पश्चिमी वायुसँगै भारतको राजस्थान आसपास रहेको न्यून चापीय प्रणालीका कारण मुलुकका अधिकांस स्थानमा आज घाम लागेको छैन ।

जल तथा मौसम पूर्वानुमान महाशाखाका अनुसार देशका धेरै ठाँउको मौसम धुम्मिएको छ ।

महाशाखाका अनुसार लुम्बिनी प्रदेशबाहेकका प्रदेशको मौसम आंशिकदेखि समान्य बदली हुने छ ।

सुदुरपश्चिम, कर्णाली, गण्डकी, कोशी प्रदेशका केही पहाडी क्षेत्रमा हल्का वर्षा हुने अनुमान छ ।

महाशाखाले उच्च पहाडी क्षेत्रमा हिमपात हुने बताएको छ ।

न्यून चापीय प्रणालीका कारण भारतका केही स्थानमा भारी वर्षा भइरहेको छ ।