आज चार वटा प्रदेशका पहाडी र हिमाली भूभागमा हल्का वर्षा र हिमपातको सम्भावना रहेको जल तथा मौसम विज्ञान विभाग, मौसम पूर्वानुमान महाखाशाले जनाएको छ ।

मौसम पूर्वानुमान महाखाशाका अनुसार कोशी, गण्डकी, कर्णाली र सुदूरपश्चिमका उच्च पहाडी र हिमाली भेगका १–२ स्थानमा हल्का वर्षाको सम्भावना छ ।

साथै, उच्च पहाडी र हिमाली भेगका थोरै स्थानमा हल्का हिमपातको सम्भावना छ । पश्चिमी वायुको आंशिक प्रभावका कारण आज दिउँसो पहाडी भेगमा आंशिक बदली रही बाँकी भूभागको मौसम सफा रहनेछ ।

गण्डकी, कर्णाली र सुदूरपश्चिमका पहाडी भेगका १–२ स्थानमा हल्का वर्षाको सम्भावना छ । यस्तै, देशको उच्च पहाडी र हिमाली भेगका १–२ स्थानमा हल्का हिमपातको सम्भावना रहेको मौसम पूर्वानुमान महाखाशाले जनाएको छ ।

आज राति सुदूरपश्चिम लगायत बाँकी पहाडी भूभागमा आंशिकदेखि सामान्य बदली रही बाँकी भेगको मौसम सफा रहनेछ । कर्णाली र सुदूरपश्चिमका पहाडी भेगका १–२ स्थानमा हल्का वर्षाको सम्भावना छ । यस्तै, उच्च पहाडी र हिमाली भेगका १–२ स्थानमा हल्का हिमपातको सम्भावना छ ।