गएरातिको भूकम्पका कारण जाजरकोट र रुकुम पश्चिममा मृत्यु हुनेको संख्या १५७ पुगेको छ । पछिल्लो अद्यावधिक विवरण अनुसार जाजरकोटमा १०५ जना र रुकुम पश्चिममा ५२ जना गरी १५७ जनाको मृत्यु भएको छ ।

भूकम्पका कारण १६६ जना घाइते भएका जनाइएको छ । जाजरकोटमा ८१ जना र रुकुम पश्चिममा ८५ जना घाइते भएका हुन् । घाइतेमध्ये सात जनालाई रुकुमको चौरजहारीबाट नेपाल एयरलाइन्सको जहाजमार्फत काठमाडौं ल्याइएको छ ।

प्रभावित क्षेत्रमा तीन वटै सुरक्षा निकायको सक्रियतामा घाइतेको उद्धार लगायतका काम भइरहेका छन् । गएरातिको ६ दशमलव ४ रेक्टर स्केलको भूकम्पका कारण जाजरकोट र पश्चिम रुकुममा सयौं घर भत्किएका छन् ।