सफलतापूर्वक प्रदर्शन भइरहेको फिल्म ‘परदेशी २’को एउटा गीत बुधवार सार्वजनिक गरिएको छ ।
फिल्ममा समावेश ‘न भुल्नु ए साथी’ बोलको गीत म्युजिक नेपाल युट्युब च्यानलमार्फत सार्वजनिक गरिएको हो ।
यो गीतमा मनोज खड्का, प्रविण बेडवाल, शान्तिश्री परियार र दीपा स्वाङको स्वर छ । फिल्मका निर्देशक नारायण रायमाझीको संगीत रहेको गीतका शब्द रायमाझी र लाल गोपाल सुवेदीले लेखेका हुन् ।
गीतको भिडियोमा फिल्मका शीर्ष कलाकारहरू अभिनेता प्रकाश सपूत र अभिनेत्री केकी अधिकारी फिचर्ड छन् । देबेन्द्र बब्लु, रोशनी कार्की लगायतका कलाकार समेत भिडियोमा प्रस्तुत छन् । परिच्छेद सेनले गीतको कोरियोग्राफी गरेका हुन् ।
साथीहरूसँग छुट्दाको क्षणलाई समावेश गरिएको गीतले धेरैको मन छोएको थियो । ‘परदेशी २’मा प्रकाश र केकीसँगै वर्षा शिवाकोटी, दिलीप रायमाझी, प्रशान्त तामाङ, नीर शाह, रमा थपलिया, सबिन बास्तोला लगायतको अभिनय छ ।
रमेश बिजीको कथा र पटकथा लेखन रहेको फिल्मका निर्माता रायमाझी र राजेश वंशल हुन् । असोज २६ गतेबाट प्रदर्शनमा आएको फिल्मले तेस्रो सातामा पनि दर्शकको माया पाइरहेको छ ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौँ