रामबाबु गुरुङ निर्देशित फिल्म ‘डिग्री माइला’को दोस्रो चरणको छायांकन तिहारपछि हुँदैछ । दशैंअघि ओखलढुंगामा पहिलो चरणको छायांकन सकाएको यो फिल्म अहिले विश्राममा छ ।
यो विश्रामको मौकामा दयाहाङ राई ‘रंगेली’ र ‘अञ्जिला’मा व्यस्त छन् भने आँचल शर्मा विदेश भ्रमणमा छिन् । यो मौकामा आँचल पति उदीप श्रेष्ठसँग फिलिपिन्स घुम्न निस्किएकी छन् ।
इन्स्टाग्राममा उनले फिलिपिन्स घुमघामका हट र रोमान्टिक तस्वीर सेयर गरेकी छन् । बिकिनीमा खुलेकी आँचलको उदीपसँग रोमान्टिक दृश्यलाई मनिलाको समुन्द्री तटमा देख्न सकिन्छ । जहाँ उनीहरुले ‘कपल–होलिडे’को रमाइलो गरिरहेका छन् । ‘दिनभर घाम, बालुवा र मुस्कान’ आँचलको क्याप्सन छ ।
अर्कोतर्फ, अभिनेत्री स्वस्तिमा खड्कालाई यतिबेला फिल्म प्रवर्द्धनको चटारो छ । ‘भष्मे डन’ हलमा चल्दै गर्दा स्वस्तिमा यतिबेला तिहारमा प्रदर्शनको तयारीमा रहेको ‘दिमाग खराब’को प्रचारमा जुटेकी छन् ।
‘दिमाग खराब’को क्यारेक्टर तस्वीर इन्स्टाग्राममा सेयर गर्दै स्वस्तिमा लेख्छिन्, ‘तपाईंले पशुपतिप्रसाद : भष्मे डनमा मैनालाई देखाउनुभएको मायाको लागि धन्यवाद । अब पालो दिमाग खराबको ।’ यो तस्वीरमा स्वस्तिमालाई ग्रामीण विवाहित महिलाको भूमिकामा देख्न सकिन्छ । स्वस्तिमा र आँचल अहिलेका व्यस्त अभिनेत्री हुन् ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौं