टि–ट्वेन्टी विश्वकप क्रिकेटको पहिलो खेलमा नेपालको भिडन्त सिंगापुरसँग
अर्को वर्ष हुने टी–ट्वेन्टी विश्वकप क्रिकेटका लागि एसियाली क्षेत्रको छनौट प्रतियोगिता आजदेखि काठमाडौंमा सुरु हुँदैछ ।
उद्घाटन खेलमा नेपालको भिडन्त सिंगापुरसँग हुनेछ । खेल बिहान ९ बजे टियु क्रिकेट मैदान किर्तीपुरमा सुरु हुनेछ ।
आठ टोली सहभागि प्रतियोगितामा समुह चरणका खेलहरु कीर्तिपुर र मुलपानी क्रिकेट मैदानमा हुनेछन् ।
समूह ‘ए’ मा नेपालसँगै सिंगापुर, ओमान र मलेसिया छन् भने समूह ‘बी’ मा युएई, बहराइन, हङकङ र कुवेत छन् ।
दुबै समुहबाट शिर्ष दुई टोली सेमिफाइनलमा पुग्नेछन् । फाइनलमा पुग्ने दुई टोली टि–ट्वेन्टी विश्वकप क्रिकेटका लागि छनौट हुनेछन् ।
नेपाललाई यसपटक विश्वकपमा छनौट हुने स्वर्णीम अवसर रहेको छ । पछिल्लो सयम उत्कृष्ट लयमा रहेको नेपालले आफ्नै देशमा छनौट प्रतियोगिता खेल्न पाउँदैछ ।
सत्यपाटी संवाददाता । काठमाडौँ