सूचनाको शक्ति - The Power Of Information

        

‘कौसीद’ गीत सार्वजनिक, निराश भोलाराज (भिडियो)

निर्देशक कुमार भाष्करद्वारा निर्देशित फिल्म ‘कौसीद’को पहिलो गीत सार्वजनिक गरिएको छ ।

‘नझर्थेर आँसु’ बोलको मार्मिक भावको गीतमा स्वर तथा संगीत बुद्ध लामाको छ भने शब्द रचना लक्ष्मण बानियाँको हो । फिल्ममा अभिनेता भोलाराज सापकोटा र अभिनेत्री ऋचा शर्माको मुख्य भूमिका छ ।

उनीहरू दम्पतीको भूमिकामा छन् । केदार भुसालको निर्माण रहेको फिल्मको कार्यकारी निर्मातामा दिमेश श्रेष्ठ र सह-निर्मातामा लक्ष्मण बानियाँ छन् ।नवविजय प्रकाश श्रेष्ठ र धिर्जन थपलियाको फिल्ममा कथा लेखन रहेको छ ।

ऋणको चपेटामा परेको एक दम्पतीको कथामा आधारित भएर बनेको ‘कौसीद’मा रुपेश दाहाल, परीक्षित विक्रम राणा, सदिक्षा गौतम, सन्दीप लोहनी, निर्भीक भट्टराईको पनि अभिनय छ ।

निसाल पौडेलले छायांकन गरेको फिल्ममा भीम विश्वकर्माको सम्पादन छ । बड पिक्चर्सको ब्यानरमा तयार भएको फिल्म दशैको छेको पारेर असोज २६ गतेबाट प्रदर्शन आउने छ ।

प्रकाशित मिति : १९ आश्विन २०८०, शुक्रबार ०९:१९