क्रिकेटर सन्दीपविरुद्धको मुद्दाको सुनुवाई आज पनि स्थगित
क्रिकेटर सन्दीप लामिछानेविरुद्धको बलात्कार मुद्दामा आइतबार हुने भनिएको सुनुवाई स्थगित भएको छ ।
काठमाडौं जिल्ला अदालतमा यही असोज १ गते पनि मुद्दाको सुनुवाई स्थगित गरी आइतबारका लागि पेशी तोकिएको थियो । तर, यही बीचमा न्याय परिषदले न्यायाधीशहरुको बढुवा तथा सरुवा गरेकाले सुनुवाई प्रभावित भएको हो ।
यसअघि पनि उक्त मुद्दामा बारम्बार पेशी तोकिने र सुनुवाई नहुने क्रम चल्दै आएको थियो ।
आइतबारका लागि मुद्दाको पेशी तोकिएका कारण चीनको ह्याङचउमा भईरहेको एशियाली खेलकूदमा सहभागी हुन जाने टोलीको विदाई कार्यक्रममा सन्दीप गएका थिएनन् ।
सत्यपाटी संवाददाता । काठमाडौँ