नयाँ नेतृत्व चयनका लागि नेपाल क्रिकेट संघ (क्यान)को निर्वाचन आज हुँदै छ । निर्वाचनले क्यानको नयाँ कार्यसमिति चयन गर्नेछ ।

चार वर्षे कार्यकालका लागि अध्यक्षमा चतुरबहादुर चन्द र विनय राजभण्डारीले उमेदवारी दिने घोषणा गरेका छन् ।

सचिवमा चन्द प्यानलबाट पूर्वकप्तानसमेत रहेका पारस खड्काले उमेदवारी दिने घोषणा गरेका छन् ।

क्यानको निर्वाचनमा ८५ मतदाता हुने भएका छन् । क्यानको विधानअनुसार एक जिल्लाबाट एक प्रतिनिधिमात्र निर्वाचनमा सहभागी हुन पाउँछन् । तर, झापाबाट दुई प्रतिनिधि आएपछि शुक्रबारको साधारणसभाले झापाको मताधिकार नै खारेज गरिएको हो ।