सत्यपाटीसल्यानको त्रिवेणी गाउँपालिकामा आमा छोरीको हत्या भएको छ ।
त्रिवेणी गाउँपालिका–२ धारढुंगाकी २९ वर्षीया रेवती थापा र उनकी ९ महिने छोरी ऋतुको आगोमा आधा शरीर जलेको अवस्थामा शव फेला परेको हो । आमा छोरीलाई आगो लगाएर हत्या गरेको आशंका प्रहरीले गरेको छ ।
घटनाको प्रकृति हेर्दा कसैले आगो लगाएर हत्या गरेको हुनसक्ने देखिएको सल्यान प्रहरीले जनाएको छ । घरमा दुई वटा ढोका रहेकोमा एउटामा बाहिरबाट चुकुल लगाएको र अर्को ढोकामा भित्रबाट चुकुल लगाएको पाइएकाले हत्या भएको प्रारम्भिक ठहर प्रहरीको रहेको छ ।
रेवतीका पति शुकबहादुर थापा दुई महिना अघि मात्रै रोजगारीको लागि भारत गएको बताइएको छ ।
प्रकाशित मिति : २०८० भदौ ३१ गते आइतबार
