एसिया कप क्रिकेटको सुपर फोरमा भारतले लगातार दोस्रो जित निकालेको छ । गएराति सम्पन्न खेलमा भारतले घरेलु टिम श्रीलंकालाई ४१ रनले हराएको हो ।
श्रीलंकाको आर प्रेमादासा रंगशालामा टस जितेर पहिले ब्याटिङ गरेको भारतले ४९ ओभर एक बलमा सबै विकेट गुमाएर २ सय १३ रन बनायो । भारतका कप्तान रोहित शर्माले सर्वाधिक ५३ रन बनाए । श्रीलंकाका दुनिथ वेलालागेले पाँच विकेट लिंदा चरिथ असलंकाले चार विकेट झारे ।
जवाफमा २ सय १४ रनको लक्ष्य पछ्याएको श्रीलंकाले ४१ ओभर ३ मलमा अलआउट हुनुपूर्व १ सय ७२ रन मात्रै बनाउन सक्यो । श्रीलंकाका दुनिथ वेलालागेले ४२ रन बनाउादा धनञ्जय डी सिल्भाले ४१ रन जोडे । श्रीलंकालाई सस्तैमा समेट्न भारतका कुलदीप यादवले चार विकेट लिए ।
प्रतियोगिताको सुपर फोरमा लगातार दोस्रो जित निकालेको भारतले फाइनल सम्भावनालाई बलियो बनाएको छ । शीर्ष स्थानको भारतको चार अंक छ । श्रीलंका र पाकिस्तानको दुई दुई अंक छ भने बंगलादेशले अंक जोड्न सकेको छैन ।
फोन : ०८१-५९०५०९, ९८५८०७४२५०
Email : info@satyapati.com, satyanews100@gmail.com
Phone : ९८५८०४००६३,९८५८०४००६४
Email : satyanews100@gmail.com
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौँ