सोह्र दिनदेखि बेपत्ता रहेका डोल्पास्थित नन्द बक्स ब्यारेकमा कार्यरत ३८ बर्षिया मेजर बिमल पण्डितको शव त्रिपुराकोट नगरपालिका–५ खदाङस्थित भेरी नदीमा फेला परेको छ ।

त्रिपुराकोट नगरपालिका–५ खदाङस्थित भेरी नदीमा फेला परेको शव मेजर पण्डितको रहेको प्रहरी चौकी त्रिपुराकोटका प्रहरी नायव निरिक्षक रुद्रबहादुर शाहीले पुष्टी गरे ।

शव पोष्टमार्टमका लागि जिल्ला अस्पताल डोल्पा ल्याउन लागिएको उनले जानकारी दिए । भदौ ११ गते ब्यारेकबाट एक्लै निस्किएका ३८ वर्षिय मेजर पण्डित गाडी रिजर्भ गरेर त्रिपुरा पुगेका थिए ।

काठमाडौंस्थित कागेश्वरी मनोहरा नगरपालिका डाछी घर भई हाल डोल्पामा कार्यरत मेजर पण्डित इभिनिङ् वाक जाने भन्दै भदौ १० गते हतार हतारमा साँझ पख गुल्म छोडेका थिए ।

त्यहाँबाट उनी सम्पर्कविहीन भएका थिए । सबैतिर उनको खोजी भइरहेको थियो । सम्पर्कविहीन भएको १६ औं दिनमा मेजरको शव करिब दुई हप्तापछि फेला परेको हो ।