सत्यपाटी
साहित्यकार तथा पत्रकार राजेन्द्र पराजुलीको निधन भएको छ ।
केही दिनदेखि निमोनियाबाट ग्रस्त भएर उनी ललितपुरको ग्वार्कोस्थित बी एण्ड बी अस्पतालमा भर्ना भएका थिए ।
अस्पतालमै उनको आज बिहान निधन भएको बताइएको छ ।
स्व. पराजुलीको आजै दिउँसो २ बजेपछि पशुपतिस्थित आर्यघाटमा अन्त्येष्टि गरिने पारिवारिक स्रोतले जनाएको छ ।
काठमाडौँको कोटेश्वरमै जन्मेका पराजुली मूलतः आख्यानकार थिए । यसका साथै साहित्यिक पत्रकारिता र पत्रकारितामा समेत उनी सक्रिय थिए ।
उनका ‘कोटेश्वरको केटो’, ‘अघोरी’, ‘शुक्रराज शास्त्रीको चश्मा’ लगायत दर्जनौँ कृति प्रकाशित छन् ।
प्रकाशित मिति : २०८० भदौ २६ गते मंगलबार