राष्ट्रिय प्रजातन्त्र पार्टी (राप्रपा) ले चैत २७ गते काठमाडौंमा गरेको प्रदर्शनमा घाइते भएका राप्रपाका नेताको मृत्यु भएको छ ।
राप्रपा बर्दियाको मधुवन नगरकार्यसमिति अध्यक्ष ठाकुरप्रसाद डाँगीको उपचारका क्रममा आज बिहान ४ बजे छाउनी अस्पतालमा मृत्यु भएको प्रवक्ता मोहन श्रेष्ठले जानकारी दिएका छन् ।
प्रदर्शनका क्रममा प्रहरीले हानेको अश्रुग्यासबाट गम्भीर घाइते भएका ६५ वर्षीय डाँगीलाई श्वासप्रश्वास र टाउकोमा समस्या देखिएको थियो।
स्व. नेता डाँगीको पार्थिव शरीरलाई श्रद्धाञ्जलीका लागि आज मध्याह्न १२ बजे राप्रपाको केन्द्रीय कार्यालय चाबहिलमा राखिने र त्यसपछि अन्तिम संस्कारका लागि बर्दिया लैजाने प्रवक्ता श्रेष्ठले बताए ।
चैत २७ गते विभिन्न ४० बुँदे माग राखेर प्रदर्शनमा उत्रिएको राप्रपाको प्रदर्शनमा निषेधाज्ञा क्षेत्र तोडेको भन्दै प्रहरीले पानीको फोहरा, अश्रुग्यास र लाठीचार्ज गर्दा ३ दर्जन नेता-कार्यकर्ता घाइते भएका थिए ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौँ