सोमबार सुनसरीको इनरुवामा बरामद गरेको करिब दुई करोड बराबरको नक्कली नोटमा एनआइसी एसिया बैङ्कको लोगोसहितको कागज (ट्याग) प्रयोग भएको भेटिएको छ ।
ट्राफिक प्रहरीले पश्चिमबाट पूर्वतर्फ आउँदै गरेको भारतीय नागरिक साफीले चलाएको भारतीय स्कोरपियोमा कालो ब्यागभित्र सेतो बोरामा राखिएको १००० दरका १८ हजार २५१ थान नक्कली नेपाली नोट बरामद भएको हो ।
त्यो एक करोड ८२ लाख ५१ हजार रुपैयाँ रहेको जानकारी प्रहरीले दिएको छ । प्रहरीका अनुसार बरामद गरेको नक्कली नोटको बण्डलमा एनआइसी एसिया बैङ्कको लोगोसहितको कागजले र्याप गरेको देखिएको छ ।
एनआइसी एसिया बैङ्कको लोगोसहितको कागज हुँदा उक्त रकम एनआइसी एसिया बैङ्कबाट बाहिर गएको हो कि भन्ने आशङ्का गर्न सकिन्छ । तर, प्रयोग भएको कागज सक्कली नभई नक्कली रहेको एनआइसी एसिया बैङ्क इनरुवा शाखाले जनाएको छ ।
बैङ्कका इनरुवा शाखा प्रमुख दीपक पोखरेल नक्कली पैसा बैङ्कमा आउने बित्तिकै पत्ता लाग्ने भएकाले उक्त नगदमा प्रयोग भएको कागज नक्कली रहेको बताउँछन् । नक्कली पैसा बनाउने समूहले बैङ्कको लोगो प्रयोग गरी नक्कली कागज बनाएर प्रयोग गरेको उनको दाबी छ ।
उनले भने, ‘प्रहरीले पक्राउ गरेको नक्कली नोटमा एनआइसी एसिया बैङ्कको लोगो सहितको कागज बेरिएको सुनेका छौँ । नक्कली नोट बैङ्कमा आएपछि डिटेक्सन मेसिनबाट पत्ता लागिहाल्छ । यसमा प्रयोग भएको कागज नक्कली हो ।’
यति ठुलो परिमाणमा बैङ्कबाट नक्कली नोटहरू बाहिर जान सक्ने कुनै आधार नै नभएकाले यो बैङ्कलाई बदनाम गराउने फण्डा मात्र भएको उनको भनाइ छ । सोमबार जिल्ला प्रहरी कार्यालय सुनसरीमा पत्रकार सम्मेलन गर्दै बरामद भएको नक्कली नेपाली नोट, भारतीय गाडी र भारतीय नागरिक साफीलाई प्रहरीले सार्वजनिक गरेको छ ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । सुनसरी