संयुक्त राष्ट्रसंघले इजरायल र हमास युद्धका बीच गाजाका आधा जनसंख्या भोकमरीको शिकार हुने चेतावनी दिएको छ ।
संयुक्त राष्ट्रसंघका खाद्य कार्यक्रमका उपनिर्देशक कार्ल स्काउका अनुसार गाजामा आवश्यक खाद्यान्न आपूर्तिमा बाधा पुग्दा हरेक १० मध्ये ९ जना भोकभोकै बस्न बाध्य भएको भन्दै निकट भविष्यमा आधा जनसंख्या भोकमरीको शिकार हुने चेतावनी दिनुभएको हो ।
इजरायलले गाजापट्टीमा जारी राखेको स्थलगत र हवाइ हमलाको मारमा परेका जनता भोकभाकै बस्न बाध्य छन् । यता इजरायली डिफेन्स फोर्सका प्रवक्ता जिचर्ड हेचले गाजाका नागरिकको मृत्यु र पीडा अनुमान गर्न सकेतापनि आफुहरुसंग अन्य विकल्प नभएको जनाएका छन् ।
इजरायल र गाजाबीचको सात दिने युद्धविरामका क्रममा गाजापट्टीमा आवश्यक खाद्यान्न आपूर्र्ति गर्न दिने सहमति भएपनि पर्याप्त मात्रामा खाद्यान्न नपुग्दा त्यहाँका जनता खाद्यान्नको अभाव झेल्न बाध्य भएका हुन् ।
गाजापट्टीका सर्वसाधारणलाई थातथलो छोड्न इजरायलले बारम्बार आग्रह गरेपनि गाजाका जनता कता जाने भन्ने अन्यौलमा छन् । यता इजिप्टको सिमानामा रहेको रफाह क्रसिङ खुला गरिएपछि सयौं नागरिक त्यसतर्फ लागेको छन् ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौँ