बाँकेकाे खजुरामा मङ्गलबार एक कार्यक्रमका बीच २० औं राष्ट्रिय महिला सामुदायिक स्वास्थ्य स्वयंसेविका दिवस मनाइएको छ ।
खजुरा गाउँपालिका स्वास्थ्य शाखा खजुराको आयोजनामा २० औं राष्ट्रिय महिला समुदायिक स्वास्थ्य स्वयंसेविका दिवस मनाइएको हो ।
उक्त कार्यक्रममा बोल्दै खजुरा गाउँपालिकाका उपमेयर मन्जु मल्लले नेपालमा बाल मृत्युदर र मातृ मृत्युदर घटाउन ल्याउन स्वयंसेविकाहरुले अहम भुमिका निर्वाह गरेको बताउनुभयो ।
उपमेयर मल्लले स्वयंसेविकाहरुलाई आफ्ना समस्याहरुको सम्पूर्ण स्वयंसेविकाहरु बसेर आफुलाई जानकारी गराउन अनुरोध गर्नुभएको थियो । उहाँले उक्त समस्याहरुको समाधान गर्न आफु प्रतिबद्ध रहेको बताउनुभयो ।
गाउँपालिका अध्यक्ष डम्बर बहादुर विक (तुफान ) ले महिला सामुदायिक स्वास्थ्य स्वयंसेविकाको भूमिका अपरिहार्य रहेको भन्दै प्रशंसा ब्यक्त गर्नुभएको थियो ।
प्रभावकारी स्वास्थ्य सेवाले मानव जीवन गुणस्तरीय बनाउन्छ त्यसले आर्थिक र सामाजिक विकासलाई टेवा पुऱ्याइ देशलाई समृद्धि तर्फ लैजान्छ भन्दै स्थानीय सरकारले पनि महिला स्वास्थ स्वयंसेबिकाको प्रोत्साहनका लागि कार्यक्रम केन्द्रित गरेको अध्यक्ष विकले बताउनुभयो ।
उक्त कार्यक्रममा १० जना स्वास्थ्य स्वयंसेविकालाई जनही १० हजार रुपैया सहित सम्मान गरिएकाे र ३ जना स्वास्थ्य स्वयंसेविकालाई बिदाई गरिएकाे खजुरा गाउँपालिका स्वास्थ्य शाखा प्रमुख दिपक ढकालले जानकारी दिनुभयो ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । बाँके