काठमाडौं । फिल्म ‘छक्का पञ्जा ३’ को गीत रिलिज भएको छ । सोमबार युट्युबमार्फत फिल्ममा समावेश ‘पहिलो नम्बर’मा बोलको गीत रिलिज गरिएको हो । दिपक शर्माले संगीत दिएको उक्त गीतमा डेभिड शंकर र विन्दु परियारको स्वर सुन्न सकिन्छ । गीतमा राजेन्द्र थापाको शब्द समावेश छ ।
कविराज गहतराजको नृत्य निर्देशनमा तयार भएको भिडियोमा फिल्मका प्रायः मुख्य कलाकारहरू फिचरिङ छन् । गीतको भिडियोमा प्रियंका कार्की, वर्षा राउत, स्वस्तिमा खड्कालाई पनि फिचर गरिएको छ । उनीहरू भने यस गीतको भिडियोमा मात्र देखिनेछन् । दीपाश्री निरौला निर्देशित फिल्ममा दीपकराज गिरी, दीपिका प्रसाई, केदार घिमिरे, जितु नेपाल, नीर शाह, शिवहरि पौडेल, विल्सनविक्रम राई, किरण केसी, बुद्धि तामाङ लगायतको मुख्य भूमिका रहेको छ ।
‘आमा सरस्वती मुभिज’को व्यानरमा निर्माण भएको फिल्ममा जितु नेपाल र केदार घिमिरे कार्यकारी निर्माताको रूपमा रहेका छन् । फिल्ममा सुमन गिरी, शिवहरि पौडेल, किरण केसी, तारा बजगाईं, पुरुषोत्तम प्रधान, दीपेन्द्र खनिया र केशव न्यौपानेको पनि लगानी रहेको छ । दीपकराज गिरीको कथा रहेको फिल्मको पटकथा पनि गिरीले नै तयार पारेका हुन् । पुरुषोत्तम प्रधानले खिचेको फिल्मलाई विपिन मल्लले सम्पादन गरेका छन् । फिल्म दशैँमा रिलिज गर्ने निर्माण युनिटले बताएको छ ।
यस्तो छ गीत हेर्नुहोस् :