रवि लामिछानेले राष्ट्रिय स्वतन्त्र पार्टी (रास्वपा)को ‘नीलो क्रान्ति’ चितवनबाट सुरु भई देशभर फैलिँदै पहिलो पार्टी बन्ने दाबी गरेका छन् । चितवन–१ मा आयोजित चुनावी सभामा उनले चितवनलाई इतिहास रच्ने उर्वर भूमि भन्दै आगामी फागुन २१ को निर्वाचनलाई सामान्य रूपमा नलिन आग्रह गरे ।
लामिछानेले राजनीतिक आडमा राज्य संरचना दुरुपयोग गर्नेहरूलाई सबक सिकाउने समय आएको उल्लेख गर्दै आफूमाथि भएका अन्यायको कानुनी लडाइँ लड्ने र वर्षौँदेखि जनताको सपनामाथि भएको ‘डोजर’को हिसाब निर्वाचनमार्फत लिने बताए । उनी चितवन–२ बाट प्रतिनिधिसभा उम्मेदवार छन् भने चितवन–१ बाट रास्वपाका हरि ढकाल उम्मेदवार रहेका छन् ।
प्रकाशित मिति : २०८२ फागुन ५ गते मंगलबार
