सुर्खेतमा सोमबार भएको आगलागीमा परी घाइते महिलाको मृत्यु भएको छ । मृत्यु हुनेमा चितवनको टाँडी घर भइ बहिनी भेट्न आएकी तुल्सी भुसाल छन् । ७० वर्षीया उनको उपचारका क्रममा मंगलबार मृत्यु भएको जिल्ला प्रहरी प्रवक्ता डिएसपी मोहनजंग बुढथापाले जानकारी दिए ।
आगलागीपछि घरभित्र थुनिएकी उनलाई सुरक्षाकर्मीले उद्वार गरेका थिए । वीरेन्द्रनगर–३ मंगलगढी चोकनजिकै राष्ट्रिय वाणिज्य बैंकस्थित मानिकेज उर्जा पसल रहेको भूइँ तलामा आगलागी भएको थियो । बिजुली सर्ट भएर आगलागी भएको प्रारम्भिक जानकारी भएको प्रहरीले जनाएको छ । आगो नियन्त्रणमा लिन घण्टौं लागेको थियो ।
प्रकाशित मिति : २०८२ माघ ६ गते मंगलबार
