राप्रपाले १६० क्षेत्रका उम्मेदवारको नाम टुंग्यायो (सूचीसहित)

आगामी फागुन २१ गते हुने प्रतिनिधिसभा निर्वाचनका लागि राष्ट्रिय प्रजातान्त्रिक पार्टी (राप्रपा)ले आफ्नो चुनावी तयारीलाई तीव्र पार्दै देशभरका १६० निर्वाचन क्षेत्रमा उम्मेदवारको टुङ्गो लगाएको छ ।

प्रवक्ता मोहन श्रेष्ठका अनुसार बाँकी पाँच क्षेत्रको निर्णय पनि आजै भइसक्ने र सबै उम्मेदवारहरू मनोनयनका लागि आ–आफ्नो क्षेत्रमा पुगिसकेका छन् । निर्वाचनको सरगर्मी बढिरहेका बेला राप्रपाले सार्वजनिक गरेको उम्मेदवारहरूको सूचीमा अनुभवी नेतादेखि नयाँ र युवा अनुहारसम्मको समिश्रण देखिएको छ ।

झापा–३ बाट अध्यक्ष राजेन्द्र लिङ्देन, काठमाडौँ–१ बाट रवीन्द्र मिश्र र जुम्लाबाट ज्ञानेन्द्र शाहीजस्ता चर्चित पात्रहरू मैदानमा उत्रिँदै छन् । निर्वाचन आयोगले तोकेको आजको कार्यतालिका अनुसार यी सबै उम्मेदवारहरूले सम्बन्धित निर्वाचन अधिकृतको कार्यालयमा पुगेर आफ्नो मनोनयन दर्ता गराउनेछन् । राप्रपाले बाँकी रहेका पाँच क्षेत्रको नाम पनि केही समयमै आधिकारिक रूपमा घोषणा गर्ने बताएको छ ।

राप्रपाका १६० क्षेत्रका उम्मेदवारहरूको पूर्ण सूची