२०८३ मंसिर ४ , शुक्रबार 20, November 2026, Friday

जङ्गली हात्ती गाउँमा पस्दा आधा दर्जन घरमा क्षति

सिरहाको लहान नगरपालिका–१६ आरिदमार टोलमा शुक्रवार राति जङ्गली हात्तीको समूह गाउँमा पसेर आतङ्क मच्चाउँदा आधा दर्जन घरमा क्षति पुगेको छ । चुरे क्षेत्रको जङ्गलबाट बस्तीमा पसेका हात्तीले घर भत्काउनाका साथै भण्डारण गरिएको अन्नपात र तरकारी बाली नष्ट गरेको छ ।

वडाध्यक्ष गडुलबहादुर जर्घा मगरका अनुसार हात्तीको समूहले भूपाल नाम्जेली मगर, जालबहादुर थापा मगर, भक्तबहादुर मगर, रामबहादुर थापा मगर, गोपाल थापा मगर र हरिबहादुर थापा मगरको घरमा क्षति पुर्याएका छन् । हात्तीले घरका साथै अन्नपात र करेसाबारीमा लगाएको तरकारीसमेत नष्ट गरेको उनले जानकारी दिए ।

स्थानीय हरीबहादुर मगरले हात्ती प्रवेश गरेपछि गाउँलेहरू त्रसित बनेको बताए । वडाध्यक्ष मगरका अनुसार बस्तीमा क्षति पुर्याएपछि हात्तीहरू दिनभर नजिकैको झाडी क्षेत्रमा बसिरहेका छन् । हात्ती धपाउन र थप क्षति हुन नदिन नेपाल प्रहरी, सशस्त्र प्रहरी र डिभिजन वन कार्यालय लहानको टोलीले निगरानी गरिरहेको छ ।

प्रकाशित मिति : २०८२ पुस २१ गते सोमबार