सत्यपाटी
सरकारले राष्ट्रिय अनुसन्धान विभागको अतिरिक्त अनुसन्धान निर्देशक (एआइजी) पदमा ओमबहादुर खड्कालाई बढुवा गरेको छ । सोमबार सिंहदरबारमा बसेको मन्त्रिपरिषद् बैठकले खड्कालाई एआइजीमा बढुवा गर्ने निर्णय गरेको हो ।
राष्ट्रिय अनुसन्धान विभागका तत्कालीन प्रमुख तथा मुख्य अनुसन्धान निर्देशक हुतराज थापा अवकाशमा गएपछि असोज ५ गतेमा एआइजी टेकेन्द्र कार्कीलाईलाई मुख्य अनुसन्धान निर्देशकमा बढुवा गरिएको थियो ।
कार्की मुख्य अनुसन्धान निर्देशकमा बढुवा भएसँगै एक एआइजीको पद रिक्त थियो । तर साढे तीन माहिनासम्म सरकारले एआइजीमा कसैलाई बढुवा नगरी राखेको थियो । अन्ततः साढे तीन महिनापछि बढुवाको पहिलो दावेदारमा रहेका खड्का एआइजी बनेका छन् ।
प्रकाशित मिति : २०८२ पुस २१ गते सोमबार
