२०८३ मंसिर ४ , शुक्रबार 20, November 2026, Friday

घोराही सिमेन्टले बुझायो विद्युत महसुलको पहिलो किस्ता, जोडियो विद्युत

घोराही सिमेन्ट इन्डस्ट्रिज लिमिटेडले ट्रङ्क तथा डेडिकेटेड लाइनको महसुल बक्यौता बापतको पहिलो किस्ता नेपाल विद्युत प्राधिकरणमा बुझाएको छ । महसुल बुझाएसँगै प्राधिकरणले उद्योगमा काटिएको विद्युत लाइन पुनः जोडेको छ । घोराही सिमेन्टले पहिलो किस्ताबापत एक करोड ८१ लाख भुक्तानी गरेको छ ।

प्राधिकरणका अनुसार, सो उद्योगले कूल ५० करोड ८५ लाख महसुल भुक्तानी गर्न बाँकी थियो । तोकिएको अवधिमा बक्यौता रकम नबुझाएपछि प्राधिकरणले उक्त उद्योगको विद्युत लाइन काटेको थियो । महसुलको पहिलो किस्ता बुझाएसँगै उद्योगमा लाइन जोडिएको प्राधिकरणले जनाएको छ ।

प्रकाशित मिति : २०८२ कात्तिक २६ गते बुधबार