सत्यपाटी
बाँकेमा फोटोसहितको मतदाता नामावली दर्तामा उत्साहजनक सहभागिता देखिएको छ । बाँकेमा हालसम्म चार हजार १९३ जना नयाँ मतदाता थपिएका छन् ।
जिल्ला निर्वाचन कार्यालय बाँकेका जिल्ला निर्वाचन अधिकारी टेकबहादुर शाहीले मतदाता नामावलीमा नाम दर्ता गराउनेमध्ये ६० प्रतिशत हाराहारीमा युवा पुस्ता रहेको जानकारी दिए ।
उनले निर्वाचन कार्यालयमा दैनिक २०० कोे हाराहारीमा नाम दर्ता भइरहेको बताए । बाँकेमा तीन लाख ३३ हजार ९३४ मतदाता छन् । सो मतदातामध्ये एक लाख ६९ हजार ८७६ पुरुष, एक लाख ६४ हजार ४९ महिला र नौ जना अन्य छन् ।
प्रकाशित मिति : २०८२ कात्तिक २० गते बिहीबार
