अमेरिकी राष्ट्रपति डोनाल्ड ट्रम्पले मृत्युदण्डसँग सम्बन्धित आदेशमा हस्ताक्षर गरेका छन् । यो आदेश अन्तर्गत न्याय विभागलाई गम्भीर संघीय मुद्दाहरूमा दोषी ठहरिएकालाई मृत्युदण्डको माग गर्न भनिएको छ ।

ट्रम्पले महान्यायाधिवक्तालाई सबै राज्यहरूमा अपराधीहरूलाई मृत्युदण्ड दिन पर्याप्त विषालु सुईहरू उपलब्ध गराउन निर्देशन पनि दिएका छन् । ट्रम्पको यो आदेशसँगै अमेरिकामा मृत्युदण्डमाथिको प्रतिबन्ध हटेको छ ।

अमेरिकामा महान्यायाधिवक्ता मेरिक गारल्याण्डको आदेशमा २०२१ मा मृत्युदण्डलाई निलम्बन गरेका थिए । उक्त निर्णयको ट्रम्पले कडा आलोचना गरेका थिए र गम्भीर अपराधका दोषीहरूलाई मृत्युदण्ड दिइनुपर्नेमा जोड दिएका थिए । आफू सत्तामा फर्किएपछि मृत्युदण्ड पुनः सुरु गर्ने उनले बताएका थिए ।