कालिकोटको पलाँता गाउँपालिकामा आइतबार दिउँसो बोरेलो जीप दुर्घटना भएको छ । दुर्घटनामा ९ जनाको घटनास्थलमै मृत्यु भएको छ । पलाँता गाउँपालिका–३ को राडुनेटा भन्ने ठाउँमा जिप दुर्घटनामा भएको हो

कालिकोटका प्रमुख जिल्ला अधिकारी नारायणप्रसाद भट्टराईले मृतकको नाम र पहिचान खुलेको छैन । घटनास्थलतर्फ प्रहरी, सेनाको टोली गएको छ । दुर्घटनामा अन्य केही घाइते भएको प्रजिअ भट्टराईले जानकारी दिए ।

कालीकोटको पलाँतामा भएको जीप दुर्घटनाका घाइतेको उद्दारका लागि नेपाली सेनाको हेलिकप्टर घटनास्थलमा पुगेको छ । भर्खरै हेलिकप्टर घटनास्थलमा अवतरण भएको पलाँता गाउँपालिकाकी उपाध्यक्ष अलैपुरा जैशीले जानकारी दिइन् । जीप सडकबाट करिब ३०० मिटर तल खसेको बताइएको छ ।