सुनको मूल्य हालसम्मकै उच्च विन्दुमा पुगेको छ । नेपाल सुनचाँदी व्यवसायी महासङ्घका अनुसार आज तय गरिएको मूल्य अनुसार छापावाल सुनको मूल्य प्रतितोला एक लाख ४९ हजार ९०० पुगेको छ ।

यही साउन २ गते सुनको मूल्य प्रतितोला रु एक लाख ४९ हजार ८०० बराबर पुगेको थियो । यस आधारमा साउन २ गतेको तुलनामा आज रु १०० ले वृद्धि भएको हो । बिहीबार भने प्रतितोला रु एक लाख ४९ हजार ४०० मा कारोबार भएको थियो ।

त्यस्तै, चाँदीको मूल्य बिहीबार प्रतितोला रु एक हजार ७५० मा कारोबार भएकोमा आजका लागि भने रु एक हजार ७९५ निर्धारण भएको नेपाल सुनचाँदी व्यवसायी महासङ्घले जनाएको छ ।