सत्यपाटी
प्रदेश नं. १ पुन: नामाकरण संयुक्त सङ्घर्ष समितिले कोशी बन्दको आह्वान गरेको छ । समितिले मंसिर ३० र पुस १ गतेका लागि बन्दको आह्वान गरेको हो ।
समितिद्वारा जारी विज्ञप्तिमा भनिएको छ— गोत्रीय नाम खारेज गर्न र पक्राउ परेका नेताहरू बिनासर्त रिहाइ गर्न बन्दको आह्वान गरिएको हो ।
यत्ति गर्दा पनि नेताहरू रिहाइ नभए आम हड्तालको घोषणा गर्ने चेतावनी समितिले दिएको छ । त्यस्तै लेगुवाघाट-चिवाभञ्ज्याङ बन्दलगायतका कार्यक्रमहरू निरन्तर रहने समितिले जनाएको छ ।
यसअघि खोटाङको हलेसीमा प्रदर्शन गर्ने क्रममा किरात गणराज्य मोर्चाका संरक्षकसमेत रहेका समितिका नेता गोपाल किरातीलगायतका दर्जनौं नेताहरू पक्राउ परेका छन् । समितिले उनीहरूलाई बिनासर्त रिहाइ गर्न माग गरेका छन् ।
प्रकाशित मिति : २०८० मंसिर २९ गते शुक्रबार
