सूचनाको शक्ति - The Power Of Information

        

नेवार समुदायमा नेपाल सम्वतको उल्लास (तस्वीर कथा)

नेपाल सम्वत सुरु भएको खुशियालीमा नुवाकोटमा नेवार समुदायले मंगलबार विभिन्न कार्यक्रम गरी मनाएका छन् । दरवार परिसरस्थित देवी भैरवीको प्राङ्गणबाट अशोक बाटिकासम्म र्‍याली निकालेर उनीहरुले नेपाल संवत् ११४४ को स्वागत गरेका हुन् ।

प्रत्येक वर्ष कात्तिक शुक्ल प्रतिपदाका दिन मनाइने नेपाल सम्बत ११४४ नेवारी समुदायले आफ्नो सांस्कृतिक पहिचान झल्कने गरी धुमधाम साथ मनाएको हो । नेपाल सम्वत सुरु भएको खुशीयालीमा नेवार समुदायसहित व्राम्हण क्षेत्री लगायत अन्य समुदायको पनि सहभागिता थियो ।

लिच्छवीकालिन राजा राघवदेवको पालामा काठमाडौका व्यापारी शंखधर साख्वाले सबैलाई ऋणबाट मुक्त गरेको खुशीयालीमा विक्रम सम्वत ९३६ बाट नेपाल सम्वत मनाउन थालिएको इतिहासमा उल्लेख छ ।

 

प्रकाशित मिति : २८ कार्तिक २०८०, मंगलवार १५:२७