जाजरकोट भूकम्प

पुनर्स्थापना र राहतको पर्खाइमा भूकम्प पीडित (तस्वीरसहित)

भूकम्पबाट घरहरूमा पुगेको क्षतिबाट जोगिन सकेकाहरू आफ्ना भत्किएका घरनजिकै त्रिपालमुनि बसेर रात बिताउने गरेका छन् ।

जाजरकोटको भेरी नगरपालिका–१, रिम्नाका केही स्थानीय कुखुरा पाल्ने खोरमा बसेका छन् ।

सत्यपाटी संवाददाता । जाजरकोट

गत शुक्रवार राति जाजरकोटको रामिडाँडा केन्द्रबिन्दु भएर गएको भूकम्पबाट प्रभावित स्थानीयवासीहरूले पुनर्स्थापना र राहतको पर्खाइमा रहेको बताएका छन् । विशेषगरी जाजरकोट र रुकुम पश्चिममा धेरै घर भत्किएका देखिएको छ ।

गृह मन्त्रालयका अनुसार यी दुई जिल्लामा गरी १५३ जनाको मृत्यु भएको छ । भूकम्पबाट घरहरूमा पुगेको क्षतिबाट जोगिन सकेकाहरू आफ्ना भत्किएका घरनजिकै त्रिपालमुनि बसेर रात बिताउने गरेका छन् ।

दिउँसो उनीहरू घरमा बचेका सामग्रीहरू निकालेर सुरक्षित ठाउँमा सार्न व्यस्त देखिन्छन् । जाजरकोटको भेरी नगरपालिका–१, रिम्नाका केही स्थानीयवासीले कुखुरा पाल्ने गरेको खोरमा शरण लिएका पनि देखिएको छ ।