भूकम्प प्रभावित जाजरकोट र रुकुम पश्चिममा अहिले उद्दार कार्य जारी छ । नेपाली सेना, सशस्त्र प्रहरी र नेपाल प्रहरीसहित स्थानीयले भूकम्पपीडितको उद्दार गरिरहेका छन् । घाइतेहरुको जाजरकोट, रुकुम, सुर्खेत हुँदै नेपालगन्जसम्म उपचार भइरहेको छ ।

प्रधानमन्त्री पुष्पकमल दाहाल ‘प्रचण्ड’ चढेको हेलिकोप्टरबाट भूकम्पमा परी घाइते भएका सात जनाको उद्धार गरिएको छ । शुक्रबार राति भूकम्प गएपछि अवलोकनका लागि प्रधानमन्त्री प्रचण्ड शनिबार बिहानै जाजरकोट पुगेका थिए ।

अवलोकनपछि फर्किने क्रममा उनी चढेको हेलिकोप्टरमा सात जना घाइतेको उद्धार गरी प्रदेश अस्पताल सुर्खेत पुर्याइएको छ । नेपाली सेनाको हेलिकोप्टरमार्फत् प्रधानमन्त्री प्रचण्ड जाजरकोट पुगेका थिए । सोही हेलिकप्टरमार्फत् जाजरकोटको नलगाढबाट ७ जना घाइतेको उद्धार गरेर सुर्खेत लगिएको हो ।

हेरौं उद्दारका तस्वीरहरु :