भैरहवाबाट कुवेत साताको तीन उडान गर्दै आएको जजिरा एयरवेज पहिलो चार महिनामा आशा गरे भन्दा बढी यात्रु पाएपछि निकै उत्साहित भएको थियो ।

गत २ जेठदेखि भैरहवाबाट कुवेत सिधा उडान सुरु गरेको जजिरा एयरवेजले दुवै तर्फबाट हवाई यात्रु बढी भएपछि ३१ भदौदेखि दैनिक १ उडान सुरु गरेको थियो ।

तर कुवेतबाट आउने यात्रु पर्याप्त भएपनि भैरहवाबाट त्यसतर्फ जाने यात्रुहरू अपेक्षाअनुसार नभएपछि २७ असोजदेखि दैनिक उडान कटौती गरी साताको तीनमा सीमित गरेको छ ।

जजिरा एयरवेजका नेपाल म्यानेजर अमित नागरथले यात्रु अभाव भएपछि उडान कटौती गरी साताको तीन वटा मात्रै उडान भएको जानकारी दिए । उडान सुरु भएको चार महिनासम्म दुईतर्फी नै यात्रुहरू पर्याप्त थिए, हामी उत्साहित थियौं ।

त्यसैले दैनिक उडान सुरु गर्‍यौं तर सोचे अनुसार हुन सकेन ।

यो समाचार आजको कारोबार दैनिकमा प्रकाशित छ ।