नेकपा माओवादी केन्द्रले उपाध्यक्ष कृष्णबहादुर महराको नाम समानुपातिकको बन्द सूचीबाट हटाएको छ ।

माओवादीले निर्वाचन आयोगमा बुझाएको समानुपातिक सूचीमा उपाध्यक्ष महराको नाम १ नम्बरमा थियो । उपाध्यक्ष महराकै आग्रहमा समानुपातिक सूचीबाट उहाँको नाम हटाइएको माओवादी केन्द्रले जनाएको छ ।

रोल्पा र दाङ क्षेत्र नं १ र २ मा प्रत्यक्षतर्फ पनि महराको नाम पहिलो नम्बरमै सिफारिस भएको थियो । तर उहाँलाई माओवादीले समानुपातिकको सूचीमा राखेको थियो ।

त्यसलगत्तै उपाध्यक्ष महराले पत्रकारहरुलाई प्रतिक्रिया दिंदै आफूले धेरै पटक संसदीय निर्वाचनमा जितिसकेकाले अब नयाँलाई अवसर दिनुपर्छ भनेर समानुपातिकको बन्द सूचीबाट आफ्नाे नाम हटाएकाे बताउनुभयाे ।

उपाध्यक्ष महराले २०४८ सालसहित अहिलेसम्म भएका सबै निर्वाचन जित्नुभएकाे थियाे । २०४८/२०७० सालमा रोल्पा तथा २०७४ सालमा दाङबाट महरा निर्वाचित हुनुभएकाे थियाे । उहाँ २०६३/०६४ को अन्तरिम संसदमा समेत हुनुभएकाे थियाे ।