बझाङमा लागुऔषध चरेससहित १ जना पक्राउ परेका छन् । जिल्लाको वित्थडचिर गाउँपालिका–८ बागथलाबाट १२ किलो लागुऔषध चरेससहित दार्चुलाका एक युवक पक्राउ परेका हुन् ।

पक्राउ पर्नेमा दार्चुला शैल्यशिखर नगरपालिका–१ बस्ने ४३ वर्षीया विरेन्द्रबहादुर खडायत छन् । अस्थायी प्रहरी पोष्ट बागथलाको टोलीले १२ किलो चरेससहित उनलाई पक्राउ गरेको हो ।

सुदूरपश्चिम प्रदेश ०२–००१ ख १११९ नम्बरको बस चढेर चैनपुरबाट महेन्द्रनगरतर्फ जाँदै गरेको अवस्थामा बागथलामा चेकजाँच गर्दा उनको झोलामा चरेस फेला परेको प्रहरीले जनाएको छ ।

जिल्ला प्रहरी कार्यालय बझाङका डिएसपी ज्ञानबहादुर विष्टका अनुसार खडायतलाई नियन्त्रणमा लिई थप अनुसन्धान र कारबाहीको लागि हिरासतमा राखिएको बताएको छ ।