‘नागरिकता विधेयकमाथि विचार गरियोस्’ भन्ने प्रस्ताव पेश गरिँदै
प्रतिनिधि सभाको बैठक आज बस्ने भएको छ ।
संघीय संसद् भवन नयाँ बानेश्वरमा दिउँसो ३ बजे बस्ने बैठकमा गृहमन्त्री बालकृष्ण खाणले ‘नेपाल नागरिकता (पहिलो संशोधन) विधेयक २०७९’ विचार गरियोस् भनी संसदमा पेस गर्ने कार्यसूची रहेको सचिवालयले जनाएको छ ।
यसअघि बुधबारको बैठकमा गृहमन्त्री खाणले नयाँ नागरिकता विधेयक सदनमा प्रस्तुत गरेका थिए । सरकारले यो विधेयक फास्ट ट्र्याकबाट पारित गर्ने तयारी गरेको छ।
सत्यपाटी । काठमाडौँ ।