सत्ता साझेदार नेकपा एकीकृत समाजवादीले संघीय सरकारको मन्त्रीबाट फिर्ता गरिएका चारैजना नेता पार्टी बैठकमा अनुपस्थित भएका छन् ।
राजधानीको कमलादीमा सोमबार मध्यान्ह सुरु केन्द्रीय परिषद् बैठकमा आइतवार मात्रै मन्त्रीबाट फिर्ता गरिएका चारैजना नेता सहभागी नभएका हुन् ।
परिषद् बैठकमा देशभरबाट सहभागीहरू आए पनि हिजोदेखि मन्त्री पद गुमाएकाहरू सहभागी नभएको समाजवादीका एक नेताले जानकारी दिए ।
केन्द्रीय परिषद बैठकमा अनुपस्थित हुनेहरुमा निवर्तमान सहरी विकासमन्त्री रामकुमारी झाँक्री, पर्यटन मन्त्री प्रेम आले, श्रममन्त्री कृष्णकुमार श्रेष्ठ र स्वास्थ्यमन्त्री विरोध खतिवडा रहेका छन् ।
आफूहरुले राम्रो काम गरिरहँदा पनि पार्टीले कुबेलामा जवरजस्ती फिर्ता बोलाएको भन्दै उनीहरु असन्तुष्ट रहेका उनीहरु यसअघि बसेको केन्द्रीय कमिटी बैठकमा पनि सहभागी भएका थिएनन् ।
यता, नवनियुक्त मन्त्रीहरू पनि शपथ र कार्यभार ग्रहण गर्ने कार्यक्रमका व्यस्त भएका कारण केन्द्रीय परिषदमा सहभागी नभएको समाजवादीका एक नेताले जानकारी दिका छन् ।
सत्यपाटी । काठमाडौं ।