नेपाली कथानक चलचित्र ‘चिसो मान्छे’ आजबाट देशभरका हलमा प्रदर्शनमा आएको छ ।

विदेशबाट रातो बाकसमा आएको शव एउटा गाडीमा लिएर काठमाडौंदेखि बाजुरासम्मको यात्रा गरेका तीन पात्रको कथालाई फिल्ममा प्रस्तुत गरिएको छ ।

दीपेन्द्र के खनालको लेखन तथा निर्देशन रहेको चलचित्रमा स्वस्तिमा खड्का र अर्पण थापाको मुख्य भूमिका रहेको छ । चलचित्रको टिजरमा अभिनेत्री स्वस्तिमा कर्णालीको भेषभूषामा देखिएकी छिन् ।

डिएस डिजिटलको ब्यानरमा शर्मिला पाण्डेले निर्माण गरेको फिल्ममा स्वस्तिमा र अर्पणसँगै देशभक्त खनाल, आशान्त शर्मा, झकेन बीसी, प्रभाकर न्यौपाने, रामबाबु रेग्मी, संयोग रसाइली, पुष्पा अवस्थी, सृष्टि आचार्य, विकास खनाललगायतको पनि अभिनय रहेको छ ।

फिल्मको कथा, पटकथा, संवाद तथा छायांकन निर्देशक खनाल स्वयंको हो । फिल्मलाई दीर्घ खड्काले सम्पादन गरेका हुन् ।

एकल प्रदर्शनमा आएको फिल्मलाई मल्टीप्लेक्समा सुखद् शोज र सिंगल थिएटर पर्याप्त मिलेको छ ।