कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले अग्रता बढाएका छन् । १५३ मत गनिसक्दा उनले ७७ मत हासिल गरेका छन् ।

त्यस्तै गठबन्धनबाट साझा उम्मेदवार उठेका कांग्रेसका नृपबहादुर वडले ३५ मत पाएका छन् । त्यसैगरी एमालेका रणबहादुर चन्दले ५ मत पाएका छन् ।

उपमेयरतर्फ गठबन्धनबाट उठेकी माओवादी केन्द्रकी शान्ति अधिकारीले ४८ मतसहित अग्रता लिएकी छिन् । उनलाई एमालेकी कन्दकला रानाले १७ मतसहित पछ्याइरहेकी छिन् । उपमेयरमा स्वतन्त्र उम्मेदवारले पनि ३१ मत ल्याएका छन् ।