अफ्रिकी मुलुक नाइजेरियाको तेल प्रशोधन केन्द्रमा बिस्फोट हुँदा १ सय भन्दा बढीको मृत्यु भएको छ ।

घटनामा थुप्रै घाइते भएका छन् । नाइजेरियाको रिभर्स राज्यमा रहेको तेल प्रशोधन केन्द्रमा भएको विस्फोटका कारण सो प्रशोधन केन्द्र ध्वस्त भएको छ ।

बिस्फोटका कारण प्रशोधन केन्द्रको वरिपरिको गाउँमा समेत क्षति पुगेको छ । मारिनेमा अधिकांश अवैध रुपमा बिक्री गरिएको इन्धन किन्न लाइनबद्ध भएकाहरु रहेका छन् ।

नाइजेरियामा बढ्दो बेरोजगारीका कारण निकै कै घातक मानिएको तेल प्रशोधन केन्द्रमा आफैं तेल उत्पादन गर्न जोखिम मोल्ने गरेका कारण वर्षेनी हुने बिस्फोटमा ज्यान जाने गरेको छ ।