थपिए ३८ संक्रमित, २६९ जना संक्रमणमुक्त
पछिल्लो २४ घण्टामा ३८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३ हजार ८५५ पीसीआर परीक्षणमा ३४ जना र १ हजार ५२१ एन्टीजेन परीक्षणमा ४ जना गरी ३८ जनामा संक्रमण पुष्टि भएको हो ।
पछिल्लो २४ घण्टामा मृत्यु भएको संख्या शून्य छ ।
बुधबार २६९ कोरोनाबाट संक्रमणमुक्त भएका छन् ।
हाल देशभर २ हजार ४५३ जना सक्रिय संक्रमित रहेका छन् ।
सत्यपाटी । काठमाडौँ ।