काठमाडौं । चर्चित गायन टेलिभिजन रियालिटी शो द भ्वाइस अफ नेपालका म्युजिक डिरेक्टर करणराज कार्कीको स्वर तथा संगीत रहेको ‘ए साइली’ आज संगीत भकारी युट्युव च्यानलमार्फत सार्वजनिक भएको छ ।

लेखु सहयात्रीको शब्द, देवेश राइको संगीत संयोजन तथा किशोर थापाको मिक्स/मास्टर रहेको उक्त गीतमा कार्कीलाई मेचु धिमालले गायनमा साथ दिएकी छिन् ।

ज्योति प्रोडकसनको पोष्ट प्रोडकसन, अनिल के मानन्धरको छायाङ्कन बिष्णुहरी तिमल्सिनाको सम्पादन तथा मौसम हिमाली निर्देशित म्युजिक भिडियोमा बिपिन श्रेष्ठ तथा रोश्नी कार्कीको सुन्दर अभिनय रहेको छ ।