कांग्रेस केन्द्रीय सदस्यको २९९३ मत गन्दा शशांक २४४२ मत सहित पहिलो
अहिलेसम्म कसले कति मत ल्याए ?
।
काठमाडौं । नेपाली काँग्रेसको १४ औं महाधिवेशन अन्तर्गत खुलातर्फ केन्द्रीय सदस्यको मतगणना जारी छ ।
केन्द्रीय सदस्यहरुको मत हिजो शनिबारबाट गणना गर्न थालिएको हो । शनिवार राति अबेरसम्म मतगणना गरेर बाँकी पुनः आज ९ बजेदेखि गणना गर्ने भनिएकोमा आज बिहान पौने ११ बजेबाट मात्रै मत गन्न थालिएको हो ।
केन्द्रीय सदस्यको मतगणनामा शुरुवाती अग्रता कायम गर्नुभएको कांग्रेस नेता डा.शशांक कोइरालाले अझै पनि अग्रतालाई निरन्तरता दिनु भएको छ । अहिले सम्म गणना गरिएको २९ सय ९३ मत गन्दा कोइरालाले २४सय ४२ मत ल्याउनु भएको छ ।
त्यस्तै एनपी सावदले १८९६ मत ल्याउनु भएको छ । ललितपुरको सानेपास्थित कांग्रेस पार्टी कार्यालय भइरहेको केन्द्रीय सदस्यहरुको मत गणनाको परिणाम आजै बेलुकासम्म आइसक्ने कांग्रेसको १४ औं महाधिवेशन निर्वाचन समितिले जनाएको छ ।
पदाधिकारीको मतगणना सकिएपछि हिजोबाट केन्द्रीय सदस्यको खुलातर्फको मतगणना शुरु भएको हो । कांग्रेसमा खुलातर्फ ३५ जना महाधिवेशनबाट निर्वाचित हुनेमा ९९ जनाले प्रतिस्पर्धा गरेका छन् ।
कांग्रेस महाधिवेशनमा ४६ सय भन्दा बढी मत खसेको थियो ।
।