काठमाडौं । हिन्दू धर्मावलम्बीहरुले बिहीबार गुरु बृहस्पति तथा भगवान श्री हरि विष्णुको पूजा–आराधना गर्ने गर्दछन् । आजको दिन व्रत बस्नाले धन, पुत्र तथा विद्या प्राप्ति हुनेछ । यो दिन पहेलो रंगको कपडा लगाउने र पहेलै वस्तुको दान गरेमा शौभाग्य मिल्ने विश्वास छ ।
साथै, यो दिन विष्णुकी पत्नी लक्ष्मीको पनि पूजा गरिन्छ । यो व्रत शुक्ल पक्षको पहिलो बिहीबारबाट सुरु गर्नुपर्दछ । त्यस दिन अनुराधा नक्षत्र परेमा असाध्यै राम्रो मानिन्छ । बिहान स्नानपछि पहेलो वस्त्र धारण गर्ने ।
त्यसपछि पहेलो फूल र चन्दनलाई एक साथ मिलाएर प्रसाद बनाउने र यस प्रसादलाई भगवानलाई अर्पण गरेर पूजा गर्नुपर्छ । यसबाट भगवान विष्णु प्रसन्न भएर उनको आर्शिवाद तपाईंको घरमा सधैँ भइरहने छ ।
व्रतको दिन शुद्ध भएर पहेँलो कपडा लगाई ‘ऊँ गुरवे नमः’मन्त्र कम्तिमा पाँच माला जाप गर्नुपर्दछ । बिहीबारको व्रत सम्पादन गर्दा केराको रुखलाई पूजा गर्ने चलन छ । पूजा गर्दा पहेँलो चन्दन, चनाको दाल, छाता, मिठाईको रुपमा लड्डु आदिको दान गरेमा लाभ मिल्नेछ । भोजन गर्दा एक छाक नुन बार्नुपर्दछ ।
आज २०७८ मंसिर २ गते बिहीबारको राशिफल
आज २०७८ मंसिर २ गते बिहीबार । ज्योतिष शास्त्रमा जन्म समय अनुसार फलादेश हुन्छ । सोही अनुसार दैनिकी कस्तो रहन्छ ? भन्ने विषयमा भविष्यवाणी गरिन्छ । तपाईको आजको दिन कस्तो रहनेछ ?
मेष – स्वास्थ्यमा समस्या आउन सक्छ । साथीभाइको सहयोग मिल्ने योग छ । मनमा चञ्चलता भए पनि अध्ययनमा रुची । महत्वपूर्ण कार्यमा उल्झन आउनेछ ।
बृष – शत्रु परास्त हुने । सन्तानबाट सहयोग प्राप्त हुनेछ । धार्मिक कार्यमा रूची बढ्ने । महत्वपूर्ण व्यक्तिसँग भेट । अध्ययनमा सफलता मिल्नेछ ।
मिथुन – मित्रको सहयोग हुने सम्भावना भए पनि मनमाथि नियन्त्रण राख्नुहोला । स्वास्थ्यमा र व्यापारमा सुधार । यात्राको अवसर मिल्नेछ ।
कर्कट – धन सञ्चितको योग छ । कार्यमा प्रगती, मनमा हर्ष हुनेछ । शैक्षिक लगानीबाट फाइदा हुनुका साथै व्यवसायमा सुधार हुनेछ । यात्रामा सावधानी अपनाउनु होला ।
सिंह – पारिवारिक सम्बन्ध सुमधुर सम्भावना छ । शुभ कार्यमा मन जाने छ । विश्वास गरिएका व्यक्तिबाट धोकाको सम्भावना छ । कार्यमा सफलता हुनेछ ।
कन्या – घरायासी समस्या बढ्ने छ । अध्ययनमा रुची घट्नेछ । मानसिक चिन्ताले सताउला । मित्रको सहयोग मिल्ने योग छ । आर्थिक संकट हुनेछ ।
तुला – पारिवारिक मेलमिलाप बढ्नेछ । मन प्रशन्न रहनेछ । राम्रो सहयात्रीको मिलन हुने सम्भावना प्रवल छ । झुठा आरोप लाग्न सक्ला । धार्मिक कार्यमा उत्साह रहनेछ ।
बृश्चिक – वैदेशिक यात्राको अवसर छ । शारीरिक स्फूर्ति बढी छ । पद वृद्धिको योग छ । जोखिमपूर्ण चुनौतीको सामना गर्दा तपाईलाई आज शुभ हुने योग छ ।
धनु – पारिवारिक समस्या आइपर्नेछ । व्यापारमा आर्थिक सुधार होला । कीर्ति बढ्नेछ । शान्त रहनु बुद्धिमानी हुनेछ । मौनता अपनाउनु राम्रो हुनेछ । स्वास्थ्यमा गडबडी होला ।
मकर – अनुसन्धानमूलक काममा चासो बढ्ला । मनमा खिन्नता रहला । केही कुरा बोल्नु अगाडि विचार गर्नुहोला, आफन्तलाई ठेस पुग्न सक्छ ।
कुम्भ – विदेश यात्राको योग छ । आजको दिन तपाई मौन रहनु लाभदायक हुनेछ । रिसलाई बसमा राख्नु बुद्धिमतापूर्ण हुनेछ । रोजगारको अवसर मिल्न सक्छ ।
मीन – व्यावसायिक योजना बन्नेछ । आत्मविश्वास बढ्ने छ । बोल्नु अगाडि विचार गर्नुहोला, आफन्तलाई ठेस पुग्न सक्छ । झुटो आरोप लाग्न सक्छ ।
।