बाँके । नेपालगन्जको शान्तिनगरस्थित ब्रिटिस ईङ्लिस बोर्डिङ स्कुलले कक्षा १० का विद्यार्थीहरुलाई विदाई गरिएको छ । कक्षा ९ मा अध्ययनरत विद्यार्थीहरुले कक्षा १० का विद्यार्थीहरुलाई विदाई गरेका हुन् ।
नेपालगन्ज उपमहानगरपालिकाका नगर शिक्षा अधिकारी इश्वर पौडेलले विद्यार्थीहरुलाई आफ्नो भविष्य निर्माणको पहिलो खुट्किलो एसइई परीक्षामा उत्कृष्टता हाँसिल गरी असल नागरिक बन्न प्रेरित गरे । उनले परीक्षाका समयमा नडराई भविष्यलाई सुनौलो बनाउन आग्रह गरे ।
कार्यक्रममा विद्यालयका संस्थापक अध्यक्ष निरज शाहले विद्यार्थीहरुलाई भविष्यका लागि शुभकामना दिए । विद्यालयका संस्थापक किरण आचार्यले विद्यार्थीहरुलाई परिक्षाको महत्व बुझेर अनुशासित भएर भविष्यका बारेमा चिन्ता व्यक्ति गर्दै अघि बढ्न आग्रह गरिन् ।
संस्थापक प्रधानाध्यापक हेमन्तराज काफ्लेको सभापतित्वमा भएको कार्यक्रममा विद्यालयका संस्थापक केशव श्रेष्ठ लगायतले आफ्नो भनाईहरु राख्दै विद्यार्थीहरुलाई सफलताको शुभकामना दिएका थिए । कार्यक्रममा विद्यार्थीहरुले विविध साँस्कृतिक कार्यक्रम पनि गरेका थिए ।