काठमाडौं । हाइटीमा निजी विमान दुर्घटना हुँदा ६ जनाको ज्यान गएको छ ।

समाचार संस्था रोयटर्सका अनुसार राजधानी पोर्ट–ओ–प्रिन्सबाट दक्षिण पश्चिम क्षेत्रमा विमान दुर्घटनामा परेको हो ।

विमानमा रहेका सबै ६ जनाको मृत्यु भएको छ । मृत्यु हुनेमा दुईजना अमेरिकी पनि छन् ।

राजधानीको विमानस्थलबाट दक्षिणी तटीय शहर जाक्मेलका लागि उडेको विमान स्थानीय समय अनुसार शुक्रबार बेलुका दुर्घटनामा परेको हो । दुर्घटनाको कारण खुलेको छैन ।