कैलाली । भालुको पित्त र जडिबुटीसहित कैलालीमा एक जना पक्राउ परेका छन् । जुम्ला सुनिगाँग–८ बस्ने ६५ वर्षीय सुनम धिताललाई प्रहरीले आइतबार पक्राउ गरेको हो । क्षेत्रीय अनुसन्धान समूह (आरआइटी) सुप र सेती अञ्चल अनुसन्धान समुहको संयूक्त टोलीले धनगढी उपमहानगरपालिका–२ बाट उनलाई पक्राउ गरेको हो ।
टोलीले उनको साथबाट ७० ग्राम भालुको पित्त र रक्तचन्दन, पदमचाल, कुटुकी, सतुवा, हिङ, निलबिसी र शिलाजित लगायतका जडिबुटी बरामद गरेको छ । उक्त अबैध जडिबुटीहरु कुन ठाँउबाट आयात गरेको हो भन्ने बारेमा थप अनुसन्धान भइरहेको क्षेत्रीय प्रहरी प्रमुख माधव नेपालले जानकारी दिए ।