काठमाडौं । देशका उच्च पहाडी र हिमाली भूभागका केही स्थानमा हल्का देखि मध्यम हिमपातको सम्भावना रहेको मौसम पूर्वानुमान महाशाखाले जनाएको छ ।

महाशाखाकाअनुसार सुदूरपश्चिम र कर्णाली प्रदेशमा आंशिक बदली रही बाँकी प्रदेशका भूभागहरुमा आंशिकदेखि सामान्य बदली रहनेछ ।

प्रदेश १ का धेरै स्थान तथा प्रदेश २, बागमती र गण्डकी प्रदेशका केही स्थानमा हल्का वर्षाको संभावना रहेको महाशाखाले जनाएको छ ।

काठमाडौंमा आज सामान्य बदलीको सम्भावना रहेको महाशाखाले जनाएको छ । काठमाडौंमा आज बिहानको न्यूनतम् तापक्रम ६ दशमलब ५ डिग्री सेल्सियस रह्यो भने दिउँसोको अधिकतम् तापक्रम १८ देखि २० डिग्री सेल्सियसकाबीच रहने छ ।

आज बिहान सूर्योदय ६ बजेर ४८ मिनेटमा भयो भने सूर्यास्त साँझ ५ बजेर ४८ मिनेटमा हुनेछ ।