पूर्वी मकवानपुरमा बस दुर्घटना हुँदा १५ जना घाइते
मकवानपुर । मकवानपुरको पूर्वी भेग बकैया गाउँपालिका–४, छतिवनमा शुक्रबार यात्रुवाहक बस दुर्घटना हुँदा करिब १५ जना घाइते भएका छन् ।
बिहान करिब ९ बजे धराना–चतरा सडकखण्डमा भएको दुर्घटनामा सात जना गम्भीर र आठ जना सामान्य घाइते भएको जिल्ला प्रहरी कार्यालयले जनाएको छ ।
गम्भीर घाइते भएकाहरूको टाउकोमा चोट लागेको प्रहरीले जनाएको छ । घाइतेहरूको इलाका प्रहरी कार्यालय फापरबारी र प्रहरी चौकी छतिवनको टोलीले उद्धार गरेको थियो ।
दुर्घटना भएको स्थान हेटौंडाबाट करिब २८ किलोमिटर पूर्वमा पर्छ ।
।