कैलाली । कैलालीको अत्तरियामा लागुऔषध ब्राउन सुगरसहित एक जना पक्राउ परेका छन्।

इलाका प्रहरी कार्यालय मालाखेतीवाट खटिएको प्रहरीको टोलीले २४.५४ ग्राम ब्राउन सुगरसहित बैतडीको डिलासैनी गाउँपालिका १ रुद्रेश्वर बस्ने २८ वर्षीय पुरन कोटारीलाई पक्राउ गरेको जिल्ला प्रहरी कार्यालय कैलालीले जनाएको छ।

उनलाई आइतबार राति गोदावरी नगरपालिका वडा नम्बर १ धनगढी रोडवाट पक्राउ गरिएको इलाका प्रहरी कार्यालय मालाखेतीका प्रहरी प्रमुख डिएसपी प्रेमबहादुर शाहीले जानकारी दिए।

पक्राउ परेका कोटारी अत्तरियामा लागु औषधको कारोवार गर्ने मुख्य नाइके नै रहेको डिएसपी शाहीले बताए।

उनले पक्राउ परेका कोटारीलाई थप अनुसन्धानका लागि जिल्ला प्रहरी कार्यालय पठाइएको बताए।